今日係5月26日農曆四月十九，是日最旺生肖係鼠，正財運強，從事金融投資者易有斬獲。肖鼠嘅傅穎（Theresa）早年北上搵真銀，做網紅兼帶貨，日前佢就喺東莞出席粉絲見面會，仲親手炮製美食畀粉絲，Theresa你咁識做，粉絲一定力撐，嚟緊正財運強，又加盟咗新公司，相信你之後必定會財源滾滾啦。
近日，Theresa喺社交網上載去歐遊度假嘅短片，片中不但見佢着橫間小背心配牛仔褲，若隱若現騷Fit爆纖腰，仲着短褲大晒白滑美腿，唔少網民都大讚Theresa靚女，但亦有唔少人錯重點竟留言大問：「件橫間小背心喺咩牌子」、「件衫喺邊度買？」、「跪求牛仔褲Link」，十分搞笑。
至於幸運星係山羊座，幸運指數排第，生活愜意，身心狀態佳。山羊男王祖藍與太太李亞男結婚後，育有2個女，一家4口生活幸福美滿。祖藍近多個月嚟，更化身做旅遊達人，分別喺社交網上，介紹中港兩地多個地方嘅美食及好去處，仲帶老婆去意大利佛羅倫斯度旅遊，生活咁寫意，身心當然好啦。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
