藝人關楚耀去年5月向拍拖6年嘅女友Joann求婚成功，並於同年11月透過社交網宣布正式封盤成為人夫，而一直未有舉行婚禮嘅2人，今日亦終於喺泰國布吉下午 ...
藝人關楚耀去年5月向拍拖6年嘅女友Joann求婚成功，並於同年11月透過社交網宣布正式封盤成為人夫，而一直未有舉行婚禮嘅2人，今日亦終於喺泰國布吉下午4時舉行婚禮。
日前（20日），關楚耀透過社交網晒出佢同老婆Joann設計嘅婚禮請帖，由於地點喺泰國，2人亦相當有心思咁將喜帖設計成護照及登機證樣式，邀請一眾親朋好友出席外，尋日（25日）關楚耀更晒出多張婚前派對靚相，其中身穿Deep V緊身婚紗亮相嘅Joann，大騷玲瓏浮凸身材嘅同時，更係靚絕全場。
