藝人馮盈盈與劉佩玥（Moon）今晚（10日）現身電視城觀看無綫劇集《逆天奇案2》大結局，馮盈盈以紅色大露背示人，大晒白滑玉背，而Moon則身穿短裙騷修長美腿，各有美態。
問到盈盈是否因為大結局而性感上陣？她否認：「因為結局有好多喜事，所以就着喜慶嘅顏色配合番，亦係希望收視捷捷上升、大紅大紫。（對結局收視有信心？）有信心，我哋依家等慶功。」
而Moon除對收視信心十足外，亦期望能開拍第三輯，講到她在劇中露長腿色誘袁鎮業，又向對方爆樽，她稱今次是首次拍攝爆戲，事前心理壓力很大：「好在各方面都好配合，鎮業又好專業，佢不停同我講唔會痛同冇事，最後一Take過順利完成。（嗰場戲你嘅長腿好吸睛。）好彩，我着咗兩條打底褲，唔想發生狀況以外嘅事嚇親大家，同要剪接太多，所以我做足安全措施，令我嘅演出可以更加揮灑自如。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
