台灣女星徐熙媛（大S）前夫汪小菲今日（27日）晒出同台灣網紅女友馬曉梅（Mandy）領證合照，宣布二人今日成婚！汪小菲今年1月公開和Mandy的戀情，3月便在朋友圈宣布求婚成功，今日一早佢亦晒出二人結婚證，兩人身穿白色恤衫對鏡頭燦爛冧笑，另一張相則見到Mandy手戴超巨大型鑽戒，相當吸睛。有眼利網友就發現今日係「527」，即係象徵「我愛妻」以表汪小菲對Mandy嘅愛。據知台灣部分則尚未登記，但兩人亦有計劃於台灣登記。
不過汪小菲晒出結婚證後，佢嘅短片平台就立即開Live大搞直播賣貨，雖然佢未有親自現身鏡頭前，不過就由主播邊賣貨邊狂播《今天你要嫁給我》、《甜蜜蜜》等婚禮必聽歌，仲多次強調「菲哥已經結婚了」，借婚事谷銷量。而汪小菲嘅飲食店舖門外螢幕亦顯示，進店消費就會發喜糖同冰粉，並晒出佢同Mandy嘅合照。
汪小菲重過新生活，他與大S的糾紛未了，有傳出這對前夫婦都有意結束過去紛擾，汪小菲在登記結婚前，上周低調前往台灣法院和大S談和解。
汪小菲與Mandy領證後就與親友食飯，之後現身機場，Mandy手拿着鮮花，兩人全程十指緊扣，笑容滿臉，十分甜蜜。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
