今日係6月7日農曆五月初二，幸運星係山羊座，事業運好到不得了，宜抓緊時機追尋夢想。山羊男周杰倫（周董）近月忙於係內地展開巡唱，唱足400場嘅佢終於都完騷，據內地官方統計，佢由5月30日至6月2日喺湖南長沙連唱4場，當中就搵嚟頂流王俊凱做嘉賓，竟輕鬆帶動文旅消費5.18億人民幣（約5.59億港元），可謂號召力爆燈。
嚟緊周杰倫仲會將個唱擴展到海外，雖然Jay忙到四圍飛，但佢都仲會抽空陪家人，佢仲曾經講話，想喺今年繼續做策展人，推廣更多唔同嘅藝術，Jay你事業運好到不得了，相信你舉辦嘅活動會成功，不過都要創作多啲好歌，等大家都有新歌聽。
是日最旺生肖係豬，運勢好極了，生活稱心仲會遇到貴人。豬女陳星妤上月生日，着住低胸背心短裙，手捧鮮花，同朋友一齊慶祝，之後又重拾青春，穿着白恤衫襯牛仔短裙，獲得唔少網民大讚，星妤嚟緊又有新劇推出，運勢咁好，生活自然開心冇煩惱。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
