張致恒曾在直播中透露，一家人每月基本開支要三萬幾蚊，為了撲水他更放下面子貼支付平台QR Code叫大家畀錢；上月母親節，雯雯表示自己將要行最後一步搵快錢，認為只要不是殺人放火都是一個行業，這樣才能重新生活。半個月前，更有一名癌症病人到其社交平台追數，指雯雯欠自己萬六蚊，連包多春魚都收唔到。對方說：「我真係諗住搵《東張西望》，標題係：寧願呃癌症病人錢，都唔願意出去打工嘅前偶像夫妻。唔好逼我！」
雯雯亦有親自回覆：「首先，我好多謝你當初主動出現幫我哋。我從來冇諗過呃你，只係我而家未有鬆動可以還到畀你，就算其他人我同樣都係未還，當初你主動企出嚟幫我哋嘅時候，我都有同你溝通我冇咁快有能力可以還到錢，你亦話你明白。至於你兩包多春魚，我冇咗你地址，你block咗我，我根本聯絡唔到你。」更表示：「就算你公開一切，我都尊重你，當中亦可以證明到我有講清楚我冇咁還（快）到畀你，所以不存在呃你錢。最後希望你unblock我，畀返你地址我寄畀你。亦祝你健健康康。」之後雯雯又灰爆出IG Story表示：「既然世界不容納，倒不如離開。」
而近日，張致恒一家的財政問題似乎漸露曙光，張致恒最近不止一次去內地登台，歌迷更非常熱情，又舉牌又送花；有人更問想知張致恒出差費幾多，指自己開士多，想請張致恒。日前抖音再有他的登台片流出，今次他更不再獨沽一味唱《死性不改》，而是唱《眼紅館》，更好識做與觀眾一齊做心心手勢。有人對張致恒表演非常有興趣，留言問：「請他要多少錢？我明天廢品站開業，想叫他來唱幾首。」片主就回答：「七萬」
不過《01娛樂》引述片主的留言後，張致恒與雯雯都有出限時動態回應，雯雯今次不鬧老公，二人罕有同聲同氣，齊聲否認收七萬！雯雯先發聲：「七萬？如果係，我而家唔使咁乞丐。」張致恒就叫我們不要亂寫，他說：「搞到個個都嚟問我係咪收七萬，係收七萬我就唔使咁閉翳」到底「個個」是誰？有網友就推測是否有債主臨門追他還錢，所以他要急急否認。
而張致恒其後再出限動，否認自己收七萬登台費，他不斷求大家放過，說：「如果你哋想聽歌嘅話，我搵日開IG Live唱畀你哋聽啦，免費嘅OK？我收七萬蚊一場我就唔使咁辛苦去打工啦，就係網友一句亂講嘅說話搞到我而家好麻煩，我只係想努力工作努力生存努力搵錢，求下你哋畀條路我行啦，應付到屋企開支，如果有多餘嘅錢我一定會還畀人。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
