曾演處境劇《香港81》陳積一角深入民心的資深演員顏國樑上月病逝，其遺孀霍潔貞昨日（13日）為亡夫設靈，藝人梁思浩及樂隊Blue Jeans成員黃良昇前往致祭，薛家燕、關禮傑夫婦、王書麒及許秋怡等多位藝人送上花牌悼念。其喪禮以佛教儀式進行，現場有和尚唸經，靈堂放滿鮮花及各界致送的花牌，橫匾則寫上往生淨土。顏國樑生前最後一次公開露面，就是在梁思浩主持的節目《直播靈接觸》，梁思浩現身時神情哀傷，他向顏太擁抱慰問時，更一度忍不住落淚。
而與顏國樑相識數十載的黃良昇，受訪時表示：「我啲仔女，佢哋睇住大，我哋成日一齊玩一齊打牌，個心痛囉，唔識講。」他指顏國樑性格樂天，面對癌症仍積極面對：「我感覺到佢好堅強。」又指原來顏國樑非常喜歡音樂：「佢成日同我講『我最遺撼就係唔識彈結他！』攞枝結他畀佢減下壓，等佢唔使咁辛苦，其實我都知佢彈唔到，盡一點綿力。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
