今日係6月18日農曆五月十三，肖牛嘅朋友，貴人運強，可為你帶來事業發展機遇。牛女郭柏妍（Rosita）自入行後就一直備受力捧，最近佢忙緊同視帝譚俊彥、視后李佳芯合拍新劇《麻雀樂團》。佢嘅角色唔單止做譚俊彥個女，仲要彈大提琴，佢知道之後都即刻努力練習，Rosita你要繼續努力，相信你嘅貴人會見到，話唔埋分分鐘下套劇做女主角呀。
日前，Rosita於社交網上載兩張相，相中見佢穿着啡色毛毛熊仔衫，仲標籤寫「麻雀樂團的最後煞科」，唔少網民都表示：「大熱天見到件衫，都覺得熱，Rosita仲要着住，真係辛苦」。
至於今日幸運星係水瓶座，財運上升，有閒錢宜多做好事，利人利己。水瓶女鄧伊婷擁有34C火辣身材，吸引到唔少網民關注，早前佢拍完重頭劇《黑色月光》，嚟緊又孖視帝黎耀祥、龔嘉欣等人合拍新劇《香港探秘地圖》，可以話做到冇停手，曝光咁高鄧伊婷財運一定上升，咁就要記得做多啲好事，幫助有需要嘅人呀。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
