▲歐倩怡憶述自己曾嚴重肺積水。
【郭晉安歐倩怡離婚/郭晉安/歐倩怡/楊詩敏/連詩雅】郭晉安與歐倩怡（Cindy）在5月宣布早在2年前已分居，並正式結束近18年婚姻，消息令人震驚。
歐倩怡接受「蝦頭」楊詩敏及連詩雅主持YouTube節目「絲打圍爐」訪問，並在昨晚（6月14日）播出，這次也是她公布婚變後首度公開露面。
郭晉安歐倩怡離婚丨歐倩怡離婚後首談開腔講感情觀 自爆有玩交友App：緣份擋唔住
呼吸困難失禁
現年44歲的歐倩怡沒有講到決定離婚的原因，不過透露在患了一場大病對人生另有睇法。她回憶指，很記得當時是2019年12月，因重感冒不斷發燒睇三次醫生都未痊癒，更在有一晚睡夢中突然感到由左手中指像觸電般流通全身，而且無法呼吸。
歐倩怡說：「我坐咗起身，拍我隔籬嗰個，我話我唞唔到氣，幾乎我講唔到嘢，跟住佢話咪玩啦，瞓覺。」不過她在全個節目也沒提一直沒有講「郭晉安」三個字，但以一般理解她所指「隔籬嗰個」，應就就是歐倩怡當時丈夫郭晉安。
後來「隔籬嗰個」用手機上網找解決方法，歐倩怡憶述：「佢見到我唔對路喇，開始起身Google睇吓係咪call白車，跟住搵到個片糖沖熱水畀我飲。」
蝦頭黑色幽默指：「佢冇攞啲骨灰...唔係！佢冇攞啲香爐灰畀你，唔知點沖水飲已經算好！」可是歐倩怡飲完片糖水仍然沒作用，歐倩怡說：「佢已經驚我嘔，喺床上拎住個痰罐，（片糖水）我飲咗少少，其實嗰一刻我已經去到失禁，我喺張床已經控制唔到，已經周圍都係，去到失禁嗰刻，我覺得自己應該唔得㗎喇。」
嚴重肺積水
歐倩怡表示當時覺得自己會死，即時想到是一對年幼子女，並覺得自己還有很多事未做，於是開始祈禱。而她結果抱住痰罐卻突然暈倒，更笑言：「第二日醒來，個頭仍塞住痰罐度。」
蝦頭也不禁問：「冇Call白車？」歐倩怡沒有直接回答此問題，只表示如果有召救護車已見報。之後到醫院並留醫，稱：「照晒肺片個肺直情冇咗一忽，嚴重肺積水，身體好似8、90歲咁，一次過肺炎、肝炎、腸炎同尿道炎，淨係食藥都醫半年，唔知咩菌...」她表示由此事後明白要及時行樂，做自己想做的事。
最新影片推介：
HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m
追蹤TOPick WhatsApp頻道睇最新資訊︰http://tinyurl.com/3dtnw8f5
|
鍾意就快D Share啦！
|
|
|
