「野男招募」現正進行得如火如荼，除透過網上報名尋找潛藏實力者，製作組日前更專誠請來前港姐兼「東張女神」陳懿德，帶領聲稱「電視城低調大隻仔」的周嘉全齊齊直搗各大gym room張貼宣傳單張之餘，還派出周嘉全做「藥引」、以玩遊戲為名尋找各gym room合資格參賽的實力大隻仔。
招募當日的競技項目相當簡單，包括有拗手瓜及掌上壓等，有一位年紀較成熟的參賽者，竟近乎「零秒」打敗周嘉全，令德德笑破肚皮，德德笑言：「拗手瓜要數三二一架嘛，我啱啱數到一，佢就已經畀人打低咗喇。」另一位勝出的挑戰者，接受德德訪問時更無厘頭玩剝衫企圖展示健美身形；事前完全沒有心理準備的德德，即使平時如何見慣風浪，亦被眼前的場面嚇至目瞪口呆，畫面搞笑。
德德笑言整個招募過程氣氛已相當歡愉，故對正式比賽時的盛況充滿期待。談到直搗gym room玩「突襲體能測試」，德德最難忘是「大隻袁偉豪」及為「剝衫男」度胸肌：「要喺鏡頭面前咁樣度男仔嘅胸真係第一次，不過我都有保持矜持，雖然內心驚到不得了。我好記得其中有一吓，製作組想我貼張宣傳貼紙喺某位男士嘅胸肌，其實當時我係好驚好緊張，只能夠硬住頭皮，輕輕用手指個『啄』貼張貼紙落去。另外『大隻袁偉豪』真係好壯觀，佢大隻到個老鼠仔竟然係大塊過我塊面架，真係好impressive。」
另，《野男》參賽者所得分數主要來自兩個部分，一個是考驗「實力」的競技項目得分，第二是考驗「魅力」的觀眾喜愛值（Or觀眾投票），兩個部分總分加起來最高的，即可成為「最有魅力大隻佬」。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
