無綫《2024香港小姐競選》日前公布25名初步入圍的佳麗，並已進行網民投票，選出之後的正式入圍名單。最近入圍佳麗多是非，繼大熱倪樂琳（Ellyn）被揭曾係女團成員及出水着寫真、舞蹈老師郭恩程隱瞞已有合約外，如今被選為「專業人士組」之一、嚟自江門嘅陳元元（Savannah），就被網友發現疑涉賄選行為。
表示自己係可持續發展顧問嘅陳元元，家鄉位於江門，有網友就見到佢家鄉對有人入圍港姐「隆重其事」，有商廈外牆掛上一大幅海報，上面就印有陳元元官方靚相，亦見有「tvb.com」及「2024香港小姐競選」標誌，海報亦印有「投票選港姐 免費送海鮮」、「本活動7月5日-10日，解釋權歸於海鮮粥城所有」等字句，令人質疑陳元元是否涉賄選！
由於投票可獲贈海鮮，好多網友都好奇佢係咪該餐廳太子女，亦有網民笑言可能係江門第一位代表參加港姐，所以一眾鄉親都非常期待佢可以晉級，光宗耀祖。
對於事件，無綫企業傳訊部發聲明表示：「TVB一直維護《香港小姐》比賽的公平性和公正性。對於個別機構未經授權使用TVB商標、《香港小姐》商標及相關照片，本台保留追究法律責任的權利。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
