披露小說刪除情節
余兒於《九龍城寨》座談會上，提到小說三部曲的寫作順序其實為《圍城》《終章》最後才完成《龍頭》，其中在龍捲風犧牲後，「城寨五子」（包括電影未有出場的吉祥）則成長為雄霸一方的梟雄。作為城寨兩大龍頭的陳洛軍與信一，原來在余兒筆下曾一度決裂，但該段情節卻在出版前刪除。
余兒於座談會上披露該段情節：「其實信一長大咗，同陳洛軍有意見分歧，喺九七前後佢炒樓賺咗好多錢，冇顧過啲兄弟、亦得罪咗好多人。後來樓市冧咗，信一變到一無所有，洛軍先扶返起佢。」雖然余兒未有透露刪除情節的原因，但洛軍與信一決裂的故事線卻令現場書迷非常驚訝！
一度覺得龍捲風個名「中二病」
座談會問答環節期間，有讀者問及「龍捲風」一名的由來時，余兒回應時解釋之餘、更表達取名時的憂慮：「叫龍捲風係因為佢掃場、好似打完風咁。其實諗嘅時候好似有啲『中二病』！」至於何時才息去憂慮，余兒笑言：「但其實到電影出劇照，見到古生（古天樂）旁邊嘅龍捲風三個大字，先覺得應該唔算太中二病！」看來古天樂在電影中型爆的造型，調轉影響原作者余兒對作品的自信！
《九龍城寨》憑電影《九龍城寨之圍城》爆紅，亦引發不少影迷粉絲按小說人物進行同人創作，更有不少BL同人作品在網絡中廣傳！談到BL同人，余兒表示感謝觀眾與讀者喜歡自己創造的角色，亦歡迎同人創作，因為對電影與小說的銷量亦具有宣傳作用。在讀者問到龍捲風會較「鍾意」信一或洛軍時，余兒笑言：「情感上一定係洛軍多啲，但鍾意有好多種嘛，父子都係一種情感嚟嘅！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
