節目中提到於《萬千星輝頒獎典禮2023》榮獲「最佳男配角」，林子善坦言事前沒有想過會獲獎，並大爆獲獎前的小插曲：「當晚係好緊張，當日我同一位高層擦身而過，但佢行過咗之後行番轉頭同我講：『如果拎到獎，千祈唔好喊呀！』因為平時同高層都唔會接觸，當時覺得佢只係講吓啫。」最終林子善真的獲獎兼跪地拜謝成為熱話，對此林子善正色澄清當日只是拜謝父母：「點解你可以嚟呢個世界？就係因為你父母，我哋中國人傳統就係叩拜，我好清楚咁話畀大家知，呢一跪其實係多謝父母。」
至於「鐵馬家族」的鄭嘉穎、馬國明、唐詩詠及黃嘉樂，對於鄭嘉穎近年因經常缺席聚會惹來「鐵馬家族」不和傳聞，林子善在節目中為「大哥」鄭嘉穎講公道說話，指鄭嘉穎為人直接，一想到就說，但為人及內心並不是大家所想的那麼差，並透露鄭嘉穎非常疼愛小孩子，所以有了三個兒子之後，與很多朋友都少了見面。麥玲玲亦表示初入行時，有記者曾向她表示「鄭嘉穎好寸」，更試過問記者「你邊間㗎？仲未畀人炒咩？」，但麥玲玲和林子善都知鄭嘉穎其實只是開玩笑。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
