今日係7月15日農曆六月初十，今日幸運星係山羊座，愛情運非常好，無事獻殷勤，伴侶更愛你。山羊女王敏奕（Venus）憑劇集《婚後事》而被封為「最美小三」，嚟緊手頭上仲有另一部劇等開拍，12月又會參演《新聞女王2》，睇嚟未來一排工作真係密密做其實王敏奕曾經透露，自從加入TVB之後感覺到有唔少壓力，都係老公曾國祥幫手做心理輔導，有一個咁支持自己嘅老公當然開心Venus忙還忙，趁新劇未開就多多關心老公，你哋嘅感情一定更好呀！
是日最旺嘅生肖係羊，貴人運強，大膽表達心底話易獲認同。屬羊嘅林峯有份參演嘅《九龍城寨之圍城》，已經成為香港電影史上華語影片入場人次No. 1，前排林峯跟住一眾《城寨》演員，齊齊出席活動，講話明年舉行演唱會一定會同另外3子同台，仲話會邀埋古天樂一齊上台大唱《今期流行》，雖然林峯咁大膽講出心底話，但有唔少人都希望，佢所講嘅個唱嘉賓名單都會實現，到時必定會再掀起熱話。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
