歌手張敬軒近日喺加拿大溫哥華舉行巡唱，繼日前畀狂熱粉絲上台公主抱轉圈，嚇到硬晒軚後，又有粉絲透過社交網呻現場觀眾冇品，事緣當張敬軒喺台上真情剖白，透露自己當年寫《笑忘書》時患上鬱躁症，最後好彩有粉絲嘅不離不棄及陪伴，先令佢走出情緒困擾，然而正當現場氣氛感人之際，台下竟然有觀眾發出大笑聲及亂叫聲，令張敬軒嘅分享被打斷之餘，更滋擾到其他觀眾，引嚟張敬軒現身留言道：「我都有一下少少着咗。」
另外，亦有觀眾聯想到多年前張敬軒喺廣州演唱會嘅片段，指當年張敬軒於廣州演唱會，播返自己抑鬱期間嘅自拍片，並直言要幾大勇氣先會拎出來公開播，該觀眾留言：「佢每滴眼淚我都好似被刀割咁，心疼到拿住，一路睇一路喊，但周圍啲人喺度笑，要幾無同理心先笑得出，呢單嘢，我到今日仲嬲緊！」原來軒公剖白內心世界，已非首次遭到無禮對待，唯一慶幸張敬軒EQ高，明白有無禮之人，但亦有好多撐佢嘅歌迷與觀眾，仍然肯將心裏話說出來，難怪獲得不少網民畀Like，大大力支持他！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
