提到入行前曾為陳慧嫻《Dancing Boy》MV擔任男主角片段近日被網民出土，連張繼聰都話想send返俾當事人欣賞，古天樂即謂：「唔使啦，都出晒報紙，我都睇咗。（有無勾起回憶？）有！其實平時唔係我拍，係我帶人去，成日都搵唔到男人，咁搞到我上陣，一日拍3首，都幾辛苦，但嗰時就係咁。（動作自己諗出嚟？）你都見到我好hea 啦，仲洗度？」古天樂續說，平日唱K如有朋友點自己嘅作品，他會即時行開。「以前去唱K都會有癮揸咪唱，但近年完全係零，唔知係咪疫情後嘅問題。（有無飲歌？）人哋歌，但人哋點我啲歌的話，我都會藐佢。（最藐邊首？）首首都藐。」
古天樂日前喺內地出席活動時，與「姑姑」李若彤重聚，他表示二人除在飛機上偶遇外，亦有在《金雞》合作，而對方每年生日時，自己都會短訊祝賀。「尋日先同佢拍完廣告，我哋傾咗好多嘢，我有叫佢同電視台啲朋友一齊食飯。佢喺我心目中永遠都係不變嘅姑姑。我哋講到拍攝時最難忘係咩，我一定係同雕兄練功嗰場，我記得好似有成5、6頁對白，我係咁講，佢就呀呀呀，真係難為雕兄。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
