賭王千金何超蓮同老公竇驍婚後聚少離多，更因此屢傳婚變緋聞。而早前被目擊去咗台灣嘅何超蓮同竇驍，更被發現2人唔係去旅遊，反而一連兩日去唔同醫院求診，其中竇驍喺台大醫院急症室，更被發現左手背貼有紗布，引令唔少網友關心佢嘅健康狀況。
據台媒報道，竇驍被目擊發現喺台大醫院急症室，身旁同行者亦正係老婆何超蓮，打扮低調嘅2人似乎唔想被認出，而喺等候期間竇驍左手背亦貼有紗布，右手則不斷撫摸胸口，未知是否身體不適。然而，身旁陪伴嘅何超蓮則不停玩手機，對於竇驍嘅狀況亦似乎不太擔心，最後等咗約20分鐘嘅2人，喺同醫護人員溝通完後，亦搭上包車返酒店休息，結束當日行程。
隔日，只見一身黑色打扮現身嘅竇驍，手上拎着裝有中藥藥包嘅膠袋，上面更寫有「驍」字，但之後又搭朋友車直奔振興醫院，逗留咗大約半小時，全程則未見何超蓮現身，加上由於竇驍連續2日去咗2間醫院，甚至仲要食埋中藥，令人更好奇竇驍嘅健康狀況。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
