森美爭取明年7街瞓拉票 唔使「全港聽眾調查」都年年加人工 #森美

森美早前同老婆遊日遭發生「7街瞓」事件，今日（23/10）他現身嘉年華活動時，提到人在當地時，接連被取消房間，本身打算5千元房租都照殺，但去到5萬元一 ...

森美早前同老婆遊日遭發生「7街瞓」事件，今日（23/10）他現身嘉年華活動時，提到人在當地時，接連被取消房間，本身打算5千元房租都照殺，但去到5萬元一晚就完全不考慮了，同老婆拖喼去網吧都搵唔到位，他建議情侶酒店被對方拒絕。「佢寧願網吧都唔要情侶酒店，覺得我心懷不軌。（你哋成日打羽毛球都咁？）無帶球拍，如果有帶佢可能OK。」

提到最後搵到嘅酒店，入房時發覺無鎖門，令森美覺得「有邪嘢」，雖然十分擔心，但最後因太攰而秒入睡。而旅遊平台事後亦有作出額外賠償，不過他亦呼籲大家外遊訂酒店時要小心。

對於被梁思浩指為「全港聽眾調查」而出招，森美指：「因為當時真係千年難得一遇，所以想分享，無前輩諗咁多，前輩真係前輩，睇到咁多，我下年會努力，睇下可唔可以7街瞓拉票。」森美表示入行20幾年，未有聽聞「全港聽眾調查」，又指可能得高層才知道。「雖然我唔知，但我每年都有加人工，多謝商台。」森美又話細細個已經聽梁思浩開咪，而自己本身亦都係忠實擁躉。

本文作轉載及備份之用 來源 source: http://www.hk01.com

鍾意就快D Share啦！

下一篇 》