無綫藝員劉丹、滕麗名、湯盈盈、呂慧儀、張景淳、古佩玲、林凱恩、許家傑、邵初、葉蒨文等在將軍澳電視城出席處境劇《愛．回家之開心速遞》之「齊來Halloween」活動。負傷上陣的葉蒨文，自嘲是容易受傷的女人，透露落樓梯時不小心跌親。
「大小姐」林淑敏自言食了好幾年乳酪，現在才發現自己對奶製品過敏：「每次食完都會痕，然後上次我皮膚敏感，隻眼腫大咗一倍，停咗食就好番，唔怪得每次我食完都去得暢順啲。」提到鄭世豪近日認與她少聯絡，林淑敏避談此事，又謂想找個合適的機會破冰。
至於邵初因劇集需要剪成短髮，自言感到滿意，不過網友則認為她現時髮型顯老，她說：「我內裏年輕，而且我老顏（話你比年紀差唔多嘅葉蒨文老好多？）咁係佢太童顏啫。」葉蒨文亦幫口解釋指因為二人飾演的角色不同，邵初的角色感覺讓人強勢一點，而她扮演的角色就較孩子氣，所以才會造成反差感。邵初還指打算挑戰剪更短的頭髮，問到能否接受光頭？她即表示：「如果角色需要係可以，同埋我見到「大小姐」林淑敏個光頭Look都好靚。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
