廖家爵接受《香港01》訪問時，表示該場戲需要特約演員作狀打他一拳，但未正式roll機，試戲時，對手揮拳時就不小心真的打中了他。他說：「當時大家試戲，佢唔小心手指尾尾骨打中我個鼻樑，後尾聽返先知，當時成場都聽到好清脆『啪』一聲。」不過，廖家爵就表示，當時他並不知自己被打中，只是「feel到好痛」，他說：「因為係意料之外，嗰吓成個人都醒咗，同埋好痛。跟住全部人都衝埋嚟，又幫我止血又搵冰敷，原來我已經噴晒血，之後就俾人送去醫院。」
所幸，傷勢沒有大礙，他說：「照完X光冇事。只係有條骨折線。因為套劇已經埋尾，嗰日係我最後一場戲，所以隔咗3日後，我就開返工啦，就堆成套劇煞科嗰日一齊拍。」他表示，意外發生在上年12月，因為問題不大所以當時沒有告訴家人，免得讓他們擔心。
廖家爵在社交平台寫道：「世界上真係有還原靚靚拳，清脆嘅一聲個鼻高咗又直咗，個人又靚仔咗」，當真是「打直咗鼻」？他回答時，就表示只是純粹搞笑，不過事後卻發現鼻樑位好像有些不同了。「照鏡個鼻好似正咗啲，咗樑位可能因為啲骨生返，所以埋口之後好似突咗少少，多咗一截，哈哈。」他也表示，休息的時間內也頗多問題出現：「眼對落個位腫起咗，成個阿凡達咁。事後都會標眼水，因為嗰時係冬天，呼吸都會有少少痛。」
廖家爵表示，意外發生後特約演員也有瘋狂say sorry，但他就覺得自己也有責任，說道：「都係我唔好，就唔啱位避唔到。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
