關寶慧畢業於香港演藝學院戲劇系，加入TVB後即參演多部重頭劇，但由90年代中起她就被安排演出二、三線角色，於是她不停推劇，其後更轉戰大銀幕。可惜關寶慧絕大部份都是演配角，沒有大紅大紫，她更自認是「爛片王」，甚至接拍三級片，她曾在接受《香港01》訪問時大談辛酸史：「嗰時我都好辛苦，我甚至參與過一套我冇份除衫嘅三級片，好少戲份嘅，叫咩名我都唔記得，因為我自己都唔想記得，我唔想面對，但冇計，因為我要話畀人聽，我仲喺呢個圈生存緊。」
重溫關寶慧過往演出：
雖然在影壇發展不順，但其實關寶慧家境富裕，她曾在節目中自爆是滿洲格格，祖先為滿清皇族之一的瓜爾佳氏，自小備受寵愛，返學放學都有工人接送，家中有工人專門洗衫、煮飯，生活無憂：「我記得有一次同黎耀祥傾偈，佢話佢細個要成班人去士多度睇電視，屋企冇電視，我識睇嘢嗰陣屋企已經有兩部電視。我屋企一箱箱汽水買返嚟，日日飲，但黎耀祥話佢一年飲一次汽水。」關寶慧甚少提及感情事，但她曾自爆鍾情大隻男，抗拒小鮮肉，終極目標是擁有理想婚姻。單身多年的關寶慧在2021年與喪妻的黃日華於半個月內兩度飯敍，因而鬧出緋聞，內地更一度瘋傳黃日華向關寶慧求婚，又指二人「黃昏戀修成正果」。不過關寶慧就表示視黃日華為「兒時偶像」，兩人亦為免誤會而減少來往。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
