今年初獲菲律賓政府冊封為穆斯林公主的苑瓊丹，最近為王晶與女兒王海榛（前名王子涵）主持的網上節目做嘉賓，大談拍戲秘聞。苑瓊丹一向出眾，基本上不用介紹已「自動波」開口講說話，而一開始的話題更是圍繞她曾做直播帶貨的「雷擊木」，指能大助增運，大讚功效奇佳，自說自話足足11分鐘，王晶和王海榛幾乎不能插嘴，最後王晶忍不住要終結話題：「嗱，但今日我哋講玄學就講到呢度先。」
苑瓊丹緊張兩度拍拍王晶手臂問：「唔好聽咩？」「嘩，你哋鍾唔鍾意聽呀？」搞到王晶要「縮一縮」手場面有點尷尬，續說：「如果唔係就變咗笑看江湖之恐怖全接觸。我哋係咪要講返啲娛樂嘅嘢呢！」
網民亦議論紛紛留言，有人更粗略計算，苑瓊丹佔整個訪問約97%：「呢一集真係好特別, 主持係苑瓊丹, 特別嘉賓係王晶同子涵, 講嘢嘅時間分配係1%係王晶, 2%係子涵, 97%係苑瓊丹, 然後節目叫做"苑瓊丹笑看江湖"！」、「王晶忍讓了首十一分鐘俾苑瓊丹講什『雷擊木』大賣廣告太悶了，下次要早些cut左這段，免得浪費時間😮」、「我發覺黃（王）晶的修为都很高喎，忍咁耐」、、「Thank you, skip 11 minutes. haha.」。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
