鵬哥因健康問題近年淡出幕前，當晚現身亦有用拐杖助行，但一上台「試咪」即一度棄用拐杖，表現超High，隨著拍子踏腳跳舞，除了跟阿叻合唱羅文經典金曲《前程錦繡》，還十氣十足獨唱搞笑版《幾許瘋語》，最難得是鵬哥仍然好精靈，記得全部歌詞：「我去吔嘢冇錢找數兜把打我面」「身處高峰曾共阿姐天天都相見 偶爾碰上了秋官步伐未凌亂」「心底之中失分寸 終於痴咗線 披荊斬棘的挑戰 青山不眷戀」，舞台魅力非凡，掀起高潮，不愧為「扮嘢界始祖」！
難怪TVB金牌司儀、最鍾意認叻的陳百祥都要甘拜下風，單膝跪地向鵬哥送上大叠1千元利是，目測估計過萬元，阿叻還在小紅書寫道：「趁着試咪，致敬盧海鵬，致敬#余幕蓮 永遠的 #歡樂金宵！」網民紛紛留言：「盧老是我心目中的黄金綠葉之一，願身體安康！」、「我們都是看你們戲長大的」、「盧海鵬詼諧並重不可多得啲一位藝人。👍」、「鹏哥老戲骨，爐火纯青！」
鵬哥曾在訪問中指最不捨得EYT一班老拍檔，特別對李香琴、譚炳文離世感婉惜。他還對當年扮肥姐沈殿霞印象難忘，除了假髮和神態，還自爆跟導演一齊去肥姐屋企「摷Bra」，笑言：「扮佢個陣，點知大過頭，塞幾多嘢都塞唔掂，嗰啲特色嚟，另外要扮到形狀要似，唔係扮咗就算。」不過，鵬哥多年前患上糖尿病，2018年更因心臟血管閉塞而入院，其後接受「通波仔」手術，本身有腳患的鵬哥一度要撐拐杖行路，因而減少演出，專心休養。盧海鵬近年又因糖尿病帶來的併發症而患上青光眼，不能看手機和劇本，雖然生活嚴重受影響，但他選擇樂觀面對，仍不時出外走動與老朋友敘舊飯聚。
點擊睇更多盧海鵬扮嘢有幾勁！
本文作轉載及備份之用 來源 source: http://www.hk01.com
|
鍾意就快D Share啦！
|
|
|
