被問到拍劇是否花很長的時間整頭髮，他說：「通常唔會因為拍戲，都冇平時要整頭整咁，如果係純粹為個角色我覺得冇所謂，拍戲自然為主！」提到是否需要日日洗頭，他回應：「我唔可以唔洗頭，就算我冇出街都會洗頭。」談及過去的戀愛經驗有否跟伴侶去欣賞聖誕燈飾，他說：「太耐應該冇呀。可能咁啱要同屋企人睇（聖誕燈飾），所以冇得拍拖睇。」他透露小時候有與家人聖誕節佈置聖誕樹的習慣，而講到現階段有養狗狗「Amber」，會否害怕狗狗會咬聖誕燈飾，他坦言：「都驚㗎！所以通常我哋會將細細聖誕樹擺高啲，雖然Amber冇跳來跳去嘅習慣，通常都係會喺個地下度，所以就好啲。」
講到即將會擔任汪明荃（汪阿姐）紅館歌唱嘉賓，他說：「嚟緊做汪阿姐嘅嘉賓，對上一次收到嘅消息要着全黑打扮，我估着西裝掛！」至於屆時演唱的歌曲，他說：「都已經定咗㗎嚟緊可以同佢去Band Rehearsal。」至於汪阿姐早前受訪曾表示好奇Anson Lo會鍾意聽自己的舊作品，他說：「都係可能因為細個爹哋媽咪都會播，仲有講真細個有邊個唔識汪明荃，所以好多謝佢邀請我！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
