有望林峯繼續亮相TVB
被問到會否希望邀請林峯繼續亮相TVB，他說：「梗係希望但你知道佢幾忙，電影《九龍城寨之圍城》推出之後就更忙，好彩我啱啱同佢講你做完演唱會，可以攞返個概念返嚟做，唯一就係要出多啲錢請返啲dancer。」講到在台慶感動到喊一事，他分享：「因為係我想像唔到嘅效果，為得獎嗰兩個人感到好感動。」
曾志偉大談《戰場上》被腰斬
提及為什麼今次台慶沒有邀請黎芷珊，他透露對方憑節目《芷珊約您》遠赴印尼奪得獎項。講到黎芷珊主持的《戰場上》被腰斬，他說︰「呢個要慢慢再決定，街嘅反應我哋都要注重，唔想喺台慶時間有太多呢啲嘢，同埋後面有啲未剪好，我哋會再睇睇。」談及外界的反應迴響很大，他表示：「當然覺得唔會啦，但見到大家咁大反應，都唔想製造咁多問題，尤其係台慶時間，唯有暫停下先。」至於拍攝團體是冒着生命去採訪，他坦言：「每一個人做每一個節目都出咗最大嘅力，尤其是今次個地方咁危險！其實都唔想有呢件事發生，無辦法，但社會有咁嘅反應，都要取捨。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
