《萬千星輝賀台慶》大獎理財存款港幣43萬由應屆落選港姐鍾翠詩（Tracy）贏得！鍾翠詩接受《香港01》訪問時表示意外又驚喜。問到會怎樣花費43萬？她回答：「請屋企人食飯，同埋港姐食飯，一齊去塞班島嗰隊crew食飯，之後就係畀啲爹哋媽咪同埋細佬，仲有一啲做儲蓄。」不過她就表示，未決定好儲起多少。會否用獎金來買手袋？她回答說：「如果用43萬買一個，我真係覺得唔抵。我覺得要同屋企人分享同埋做啲善事。」
