台灣天團五月天於19日晚於上海體育場舉行「回到那一天」演唱會，點知喺不遠處嘅民區竟感受到房屋搖晃。當《傷心的人別聽慢歌》副歌響起時，住戶鋁合金窗發生強烈抖動並發出金屬碰撞聲，枱面上水樽內嘅水失去「水平」高速搖擺，體感上如同房屋喺度「左右搖晃」。今日（21日）即有「#五月天演唱會再次引發居民樓地震#」登上熱搜，令事件引發熱議。
小區居民透露，喺已經結束嘅7場五月天演唱會期間，該小區每場均有超過3次搖晃，而3次明顯搖晃均對應特定歌曲，分別為《傷心的人別聽慢歌》、《派對動物》、《離開地球表面》。本次五月天演唱會期間，共有超過10幢居民樓嘅市民反映房屋搖晃狀況，而喺去年五月天召開嘅8場演唱會中，周邊小區已發生類似嘅搖晃事件。
對此，一位地震專家解釋：「疑似音樂頻率與建築頻率共振，這可能是一種共振現象。」相關研究表明，當歌曲BPM（每分鐘節拍數）喺140拍左右時，相關音波更容易同生活建築形成低頻共振，而周邊居民反映搖晃明顯嘅三首歌，節拍分別為138、136、138，與專業推測基本脗合。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
