何啟華與林家熙謝票期間，提到鉅製取材自《香港01》對轉運垃圾問題的報道，阿Dee直言回收場比想像中規模更大、寫實度極高：「戲入面壓成立方嘅汽水罐，我仲以為係實餡，但原來係一個木箱再鋪滿大量汽水罐，非常震撼，從未見過咁誇張嘅實景拍攝。」
Locker亦表示：「其實回收場係由四個實景砌成，大家眼見嘅鋁罐山嗰啲場景，係由青衣、元朗等新界實景結合。」更笑言劇組連假山都搭建出來：「有一日我哋見到一座木板建築，兜過去原來係一座假山！估唔到拍出嚟之後原來咁真！」
《焚城》故事線的另一端，由飾演財政司司長政治助理Kelly的王菀之代表出席謝票，更披露拍攝期間於禮賓府實地取景：「入禮賓府嘅門口，係佢哋特別借畀我哋拍攝，平時基本上冇機會入到去。」至於其他地堡及會議室等場景，則憑美術組用心搭建，極具寫實度。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
