魯賓艾摩廉將帶多士砵亭3場比賽。
曼聯換帥行動即將完成，葡萄牙教練魯賓艾摩廉周五(1日)證實，轉教曼聯嘅「肥皂劇」就快結束。英國傳媒透露，曼聯同士砵亭已達成協議，不過39歲嘅艾摩廉要等11月國際賽期先至上任，月底作客葉士域治會係艾摩廉首演，而佢嘅薪酬亦曝光，人工少過坦哈格。
士砵亭周六(2日)凌晨要對艾馬多拉，艾摩廉喺賽前記招被追問過檔曼聯情況，強烈暗示入「魔」只係時間問題：「情況對所有人都好困難，我諗比賽之後會解決，會長捍衞球會嘅利益，我係唔會參與。比賽後好多嘢都會更清晰，呢齣肥皂劇就快結束，我唔可以講得太清楚。」
據報曼聯同士砵亭已達成協議，不過艾摩廉要等月中國際賽期先正式上任。英國《每日郵報》亦爆出艾摩廉合約細節，2年半合約年薪為650萬鎊，比坦哈格夏天續約後嘅675萬鎊更少，但呢個人工已經係艾摩廉喺士砵亭嘅3倍。按計劃艾摩廉仲會教多士砵亭3場，包括下周中歐聯主場迎戰曼城。
延伸閱讀：【魯賓艾摩廉11月中接手曼聯 雲佬帶多3場】
本文作轉載及備份之用 來源 source: http://hk.on.cc
|
鍾意就快D Share啦！
|
|
|
