「樂壇小天后」炎明熹 （Gigi）自合約問題被無綫雪藏，鮮有跟《聲夢傳奇》隊友同場，但日前她和鍾柔美、潘靜文（Sherman）、林沚羿 （Venus）及蔡愷穎等過萬聖節，其日本幽靈造型維肖維妙，瘋狂一夜後，她在社交網分享變鬼過程，不過她竟然話自己似隻燒鵝，昔日「九唔搭八」思維加呷醋用詞重現，令人哭笑不得的「火星少女」終於再返地球。
Gigi表示多謝大學同學為她化妝：「本身諗住自己化，但係覺得好似好lonely之後，就搵咗佢一齊，今次我扮嘅係燒鵝，頭上兩把火，再加胸前的燒鵝（有啲押韻）。我就嚟化晒嘅時候我就已經開始笑，笑到上車去到主題公園嘅時候仲繼續偷笑緊，勁驚人哋以為我係咪發生咗啲咩事，再加上呢個妝，然後就好詭異（又押韻咗）。」而她覺得自己最錯是着了Heattech打底，所以感覺好熱，大熱天時着禦寒內衣去玩，Gigi的言行真是令人滿頭問號。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
