陳自瑤（Yoyo)今日（26/11）現身電視城出席無綫「長期服務暨傑出員工榮譽大獎頒獎典禮2024」，獲頒20年服務大獎。她接受《香港01》訪問時表示 ...
陳自瑤（Yoyo)今日（26/11）現身電視城出席無綫「長期服務暨傑出員工榮譽大獎頒獎典禮2024」，獲頒20年服務大獎。她接受《香港01》訪問時表示：「其實不經不覺已經喺無綫拍戲拍咗20年，自己係冇諗過，可能因為自己太過鍾意演戲，變咗一直都係咁去堅持住。係好耐之前，我係有諗過想離開無綫，係因為自己都做咗好多年，見到來來去去都係差唔多，加上又遇到一啲唔如意嘅時候，就會諗自己仲有冇空間繼續發展落去。我相信好多人都會係咁樣諗。你可以話我唔忿氣，但到最後，我都一直堅持留喺公司。同埋我好記得樂小姐曾經對我講過只要你一日唔離開，你就一定有機會。」
