日前有網民偶遇黃志榮搭地鐵。 71歲的黃志榮與普通市民無異，在座位上休息玩電話，真人同上鏡幾乎無分別。然而黃志榮望住電話熒幕上的付款二維碼，眼定定望足幾秒，令人好奇究竟有咩咁好睇呢？有網民留言笑問：「佢睇個QR CODE做乜」。不過黃志榮個樣攰攰哋又帶有些少憂心，莫非擔心錢銀問題？
黃志榮70年代尾入行，小學畢業便出來幫手父親時裝生意，曾任輔警做到2009年才退休，做足36年。他曾受訪透露，難忘1974年寶生銀行械劫案有份到現場維持秩序，當時的旺角刑事偵緝主任便是陳欣健。他曾為運輸署拍攝提醒搭小巴要戴安全帶的廣告，成功入屋；近年則拍《愛‧回家》演「食屎陳師奶」老公為人印象深刻。黃志榮亦有兼職的士司機，去年更因黑雨車旅遊促進會總幹事崔定邦返屋企引起熱議。他於2021年接受雜誌訪問透露是單身，已習慣獨自生活，自得其樂。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
