「職安真漢子」吳浩康（Deep）轉行做地盤後工作不斷。昨日（4日）他透過社交平台表示升呢做老闆，留言：「#收工啦 #拆架 #自己公司第一單Job #專美金屬棚架工程 #各位兄弟辛苦晒。」他亦表示與好拍檔「搭架界林峰（峯）」一齊坐車開工、收工。見Deep笑容滿臉，心情勁靚。
Deep透露與朋友合資開了公司，主要安拆金屬棚架，表示在地盤工作已超過兩年，自己在搭棚和做紮鐵已成為專業領域，於是與友人合資開設公司，主要接金屬棚架工作，表示：「中間係多咗演出機會，但冇諗過呢個行業（搭棚），希望嚟緊都可以接觸到啲舞台嘅job。」他謙稱只是「小老闆」，問到會否親力親為落場？他表示環境許可會畀同事去做先，但有些工作可能不太夠錢，有工作做自己都會做，落唔落手冇所謂很少事，因為自己都是工人出身。
至於好友張致恒曾發文表示要「搵工」，吳浩康透露對方有嘢做緊，但亦大方表示對方有需要的可以隨時找他，可以學吓和試吓，但指高空工作不容唔易，平時都較少請新人。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
