日前南紅罕有現身好友楊紹鴻的網上頻道節目，見她身形豐腴，打扮得靚靚，化了妝面色更顯紅潤，臉上不時掛着笑容，而且說話中氣十足，精神不錯。她透露現在有工人照顧日常生活，還會尋找自己興趣：「因為細個好想學嘢，但係冇錢，到咗而家咪周圍學，開心吓，我間中都會去朋友度唱K。」
節目中，南紅亦有分享與楚原的相戀經過，指二人是在片場中認識，當時她只是一個臨時演員，而楚原是編劇，在《七重天》合作後開始熟稔。南紅稱當時大家都窮，最大的娛樂就是看電影，但拍拖九年都沒有拖過手仔，笑言：「當時都唔知咩叫拍拖！」
當年南紅與不少小生演情侶，當中包括謝賢、胡楓、周驄等，但她稱從未熷有感覺，反而最後情傾楚原。南紅笑說：「因為謝賢已經有嘉玲，嘉玲梗係靚過我，佢點會追我，加上我又冇諗住愛情，我根本冇父愛，亦唔知乜嘢係愛情，只係知媽咪好錫我。我同謝賢都講過唔會鍾意對方。」而謝賢更曾說過一定不會愛她，南紅續說：「我哋嗰時打燈一企個幾兩個鐘頭，佢（謝賢）講『南紅我真係唔會鍾意你』，我話『我夠唔會鍾意你咯』，嗰陣廿幾歲之嘛，咪鬥口令（鬥嘴）嘅，哈哈。」
南紅直言當年選擇嫁給楚原亦會聽到閒話：「好多人話我唔嫁演員而嫁導演，梗係貪佢地幫你好多。但係完全冇，我同佢一啲題內話都唔會，我又唔識做導演，佢又唔識做演員，佢一做戲我就笑。」南紅又爆楚原本身很喜歡做演員，一早已經計劃好。南紅表示自己喜歡讀書多的男人，而楚原是大學生自然會增加好感，「我冇諗到佢嘅才華，但係佢好叻，喺朋友面前係做領導，好有領導才能，當然有學識都會加分。」
對於被指在楚原離世後暴瘦，南紅說：「好多人話我暴瘦，根本唔係，而家先叫啱，嗰陣太肥，個老公又鍾意食嘢，成日跟住佢，嗰陣又冇諗做乜，咪140磅，我老公唔喺度之後，的確係瘦咗，咁有兩年心情唔好咪瘦，得番120磅，後尾心情好番，咪變130磅，我覺得而家啱我，人都靚啲。」南紅透露明年將會「復出」，將與2025年跟楊紹鴻去泰國唱戲，但詳情暫時賣關子。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
