《戀上西沙》主推靚歌靚景靚人，當中還有GiGi情竇初開的愛情故事。大家都好期待想睇GiGi與大隻仔李爾晨（Kyle）拍拖有幾激，一直以來的宣傳片段就只有純愛的拖手仔，原來還有一場幻想的錫錫戲份，雖然是點到即止，但二人頭貼頭嘴唇靠近，僅差約5cm距離便獻出螢幕初吻，令人看得好肉緊。
GiGi亦有在IG Story叫粉絲一定要捧場，而她跟親友外出吃冬至飯時亦有一齊用手機欣賞，見GiGi睇到擘大口超肉緊，未知是否正看這場點到即止親吻戲呢？
現年19歲的炎明熹是圈中「A0女神」，曾在訪問中直認已Ready拍拖，但女孩子就算有心儀對象也不會做主動出擊，透露擇偶條件「咩類型都可以」，但最重要性格好。而現正就讀大學一年級的她，班中雖然有不少男同學，但不察覺有追求者，目前仍然單身，似乎是戀愛絕緣體。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
