台灣一家醫美診所前日（7日）發生死亡事故，一名前做電波拉皮嘅49歲女子，於診間突然失去呼吸心跳，送醫宣告不治。該診所官方網站招攬客人主打「由天后御用名醫王醫師領軍」，該王醫師同時係進口雞蛋弊案其中一名被告，令事件更加引人關。早年網上就流傳過天后王菲搵王醫師打「童顏針」，媒體因而將其冠上「天后御用名醫」，對此王菲好友、經理人邱瓈寬今日（9日）透過寬魚國際嚴正回應：「子虛烏有，沒有這事，請勿相信！」
王菲今年7月現身台北，對於醫美傳聞再起，除邱瓈寬透過公司澄清，王菲嘅台灣友人亦透露根本冇呢回事，王菲赴台次數寥寥可數，冇喺台灣做醫美嘅紀錄，唔認識該王醫師，佢今年赴台主要陪囡囡李嫣做唇顎裂修復手術，行程簡單，只係酒店、醫院來回，以及去朋友屋企食飯。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
