前港姐亞軍王君馨（Grace）與圈外老公Daniel於2016年結婚，現年38歲的Grace與老公奮戰8年，終於迎來喜訊，Grace在社交網宣布懷孕，並上載兩口子在希臘拍的孕照，只見Grace肚凸凸，但手腳依然纖幼，老公就錫錫她的肚皮，2人又深情咀嘴，幸福之情溢於言表。
Grace留言：「今年收到最好嘅禮物🥰🥰🥰Thank you Jesus for blessing us with a little one. We are so excited to be parents! 🤭」
王君馨好友鍾嘉欣得知Grace喜訊開心不已，笑言：「好戥Grace開心，應該我係第頭一、二位知道，佢有日用Face time打畀我，個樣好凝重，我覺得有啲唔啱，好擔心佢，仲問佢冇嘢嘛？叫佢慢慢講，講講吓佢就Show咗支驗孕棒出嚟，原來想畀驚喜我，我由擔心到好驚喜，哈哈！跟住我3個小朋友輪流恭喜佢，成家都好開心。」嘉欣還大讚Grace好厲害，一備孕就有BB：「之前佢好專注工作，依家係最好時機，好戥佢高興！」
之前李亞男和岑麗香（香香）生日，嘉欣第一次見到Grace的真身，都有摸下她的孕肚，談到現在懷孕幾多個？嘉欣則表示：「幾多個月等佢自己講，佢陀得好靚，圓碌碌好cute，笑容充滿母愛，之前嫌佢太瘦，依家肥番啲好靚。（有冇乜嘢生Ｂ秘笈可以分享畀佢？）我生咗三個，有調理身體嘅經驗可以同佢分享，我覺得每個母親都有自己一套，會分享保養經驗畀佢，佢依家好健康，身體好好，係開心媽媽，呢個係上天畀嘅禮物。（再約見面?）都好想睇吓佢，不過我３個小朋友就快由溫哥華飛嚟匯合我，將會好忙，小朋們都好鍾意香港，同埋會帶佢哋見老公喺香港嘅家人。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
