在2023年11月25日，陳健安在顯田仿真草球場踢波時受傷，左膝的前十字韌帶完全撕裂，半月板角亦有碎裂。考慮到2024年2月底舉行演唱會，擔心接受手術的話難以及時恢復，所以陳健安選擇保守治療，適應沒有前十字韌帶的膝蓋。他形容過去一年是漫長的膝頭重生之旅。
了解他去年受傷經歷：
陳健安在社交網站回顧康復過程，他寫：「呢365日，每一次嘅訓練同治療我都有好好記錄低，因為我係唔會記得晒上個禮拜做過啲乜，對於同醫療團隊溝通係非常非常非常重要！更容易了解同調整訓練內容，亦無得講大話偷懶（雖然我唔會），因為講大話其實只會對自己有害。」
過去一年，他做了21次物理治療，療程包括按摩、針灸、超聲波、衝擊波、冰敷、電流治療、復康運動，每次至少做3小時。另外，他還做了169次自己訓練，從最初要用兩枝拐杖才慢慢行到路，到如今可以重新練波。
他附上一段過去一年復康的片段，包括他受傷後第一次學上樓梯、第一次跑步、第一次用波訓練、第一次落場訓練。他寫：「從兩支拐杖，一支柺杖，到唔用拐杖行路。從單腳企，慢行，上樓梯，落樓梯，慢跑，到快跑。從雙腳跳，單腳跳，轉向跑，到轉向跳。從輕輕掃把腳，斬波，到射波。重新認識自己嘅膝頭哥，重新學習運用冇咗前十字韌帶嘅膝頭哥，新造嘅腳，新造嘅人。」
陳健安表示每次的進展、每個階段都令人感動，多謝物理治療師及物理治療中心的每位訓練員。他指出與醫療團隊的溝通十分重要，定下目標，保持積極但不心急的態度。不過，他表示尚未復出球場，他寫：「今日我仲未畢業，大概訓練多一個月左右就會有test（測試），到時再話畀大家聽可唔可以落返場踢波，期待再次喺球場上自由奔跑。」
他在2018年試過失聲，到去年膝部嚴重受傷，他形容「個天畀咗兩個好大嘅挑戰我，兩次重傷，彷彿想將我最喜愛做嘅事拿走，想拉我到深淵，可幸嘅係，黑暗又有另一番風景，發現更多愛，對唱歌足球嘅愛，別人對我嘅愛，更認識自己」。
陳健安在14至18歲期間曾經是香港青年軍的一員，更出戰過當年的頂級聯賽港甲，分別效力香港08及流浪。On仔當年兼顧護士實習，而未能入選2009年東亞運的港隊大軍，其後淡出球圈，並透過選秀節目加入樂壇。進軍娛樂圈後，他對足球熱愛不減，不時出戰業餘聯賽。
陳健安的康復旅程
11月底：受傷後3日，開始接受物理治療
12月底：受傷後30日，這個月學行平路、學單腳企、學上樓梯
1月初：受傷後40日，可以蹬直隻腳，上樓梯開始穩定，可以練習落樓梯
1月中：受傷後52日，受傷後第一次踩單車機，重新鍛鍊心肺，深蹲可以做到90度，訓練內收肌、臀部肌肉
2月初：受傷後71日，受傷後第一次跑步，快行1分鐘再跑1分鐘，重複5次共10分鐘
4月中：受傷後144日，練習守向及跳躍動作，可以「剔波」
5月中：受傷後170日，接受更多轉向、跳躍、快動的動作，跑步時間慢慢加長到40分鐘
5月底：受傷後177日，訓練短速爆發力，可以練習傳波的協調動作
8月中：受傷後250日，可以做單腳轉向的跳躍
8月底：跑了受傷後第一次8公里，花了約52分鐘，配速每公里6分34秒
9月中：受傷後295日，在球場練習煞停、轉向、用波、80%衝刺跑，希望找回球感，並嘗試用力射波
本文作轉載及備份之用 來源 source: http://www.hk01.com
|
鍾意就快D Share啦！
|
|
|
