破地獄｜黃子華角色原型潘英廉 由婚禮轉做殯儀︰捱得窮先好入行
其實電影《破‧地獄》，早在2022年已聞樓梯響會開拍，最令人期待是兩代笑匠許冠文與黃子華再度合作，並得知是以殯儀業為故事背景，流出戲名就叫《破‧地獄》。由於導演為陳茂賢，拍過喜劇《不日成婚》，故當時傳出這部將會是黑色喜劇。直至2023年1月，電影發出開鏡採訪通知，令人意外是通告上寫住︰「許冠文X黃子華 英皇電影《度脫之舞》開鏡禮採訪邀請」見到戲名改為一個比較文藝的名字，無論傳媒定網民，連英皇內部都引發討論。
據Charles講，當時發出邀請函後，大家都驚訝點解會改咗名？而當時英皇內部都有商討到底是否要用這新名。Charles︰「當時有一個人係好堅持要用番《破‧地獄》呢三個字，佢覺得套戲開宗名義都係講破地獄，劇情重點都係最後一幕朱栢康跟衛詩雅兩兄妹去做破地獄這場法事，去超渡爸爸，咁點解唔用番呢個名呢？」講得呢番說話而影響結果的，當然是好有份量的人，而呢個就係主角黃子華。
所以到開鏡當日，Charles在現場要不斷跟所有記者講，用番《破‧地獄》呢個戲名。而事實上，《度脫之舞》都不是該劇本的原名，據Charles講，劇本初期來到電影公司手上時，上面是寫著《告別一舞》，這跟英文片名《The Last Dance》意思一致。
港版戲名有過小插曲，原來電影打算到內地上畫時，關於戲名也發生了一段插曲。當初計劃到大陸上映前，有考慮參考《飯戲攻心》的做法，由於《飯戲攻心》是廣東話食字gag，內地觀眾未必明白，於是改了用戲中出現一首張學友的歌名《還是覺得你最好》做戲名，結果在沒太多宣傳下都大收一億。而《破‧地獄》都有考慮，而所選的是葉蒨文的一首《瀟灑走一會》。當然，最後並沒有用上，而這歌名只成為內地其中一句宣傳話句。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
