內地女星范冰冰捲逃稅風波後近年全面復出，並進軍國際影壇開闢新戲路。而日前出席公開活動嘅佢，更被粉絲捕獲並喺社交網晒出佢同其他粉絲嘅布搞笑互動，只見化上精緻妝容嘅范冰冰，一身氣質中式穿搭襯長直髮，正低頭一邊為粉絲簽名，一邊同大家閒話家常，其中一名男粉絲笑稱道：「姐，你瘦了好多，真的真的瘦了好多。」范冰冰則謙虛道：「這也沒有。」未料該名男粉絲繼續道：「比上次瘦了好多！」范冰冰則假裝生氣道：「上次是腫」並幽默地翻白眼，該名男粉絲毫不氣餒道：「姐姐，可以叫你媽媽嗎？媽媽～」令范冰冰忍唔住反駁道：「我還叫你爺爺呢，真的是！」范冰冰毫無巨星架子嘅態度，亦引嚟唔少網友按讚分享。
事實上，早前喺香港出席公開活動嘅范冰冰，就被唔少網友喺社交網晒出零修圖嘅照片，只見臉色暗啞肥腫之餘，側面望過去更係手臂粗壯、小腹微凸，原本細獎嘅天鵝頸都隨之消失，同工作室嘅精修照相比，簡直天差地遠，對此范冰冰亦曾喺訪問度坦言自己為角色增肥6KG，拍完後亦即刻透過飲食控管阿運動極速收身。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
