由於Kayan當初是拍攝試當真短片而成名，眾人都推測她到底打給試當真哪位前同事，例如三位老闆游學修、許賢或蘇致豪，更有人估是她的前男友林家熙Locker等，惟試當真卻發聲明割席說：「謝謝大家的關心和查問，我們公司台前幕後並無收過節目電話。」事件爆發羅生門，眾人即質疑Kayan是否講大話、消費前東家試當真等等，她立即成為眾矢之的。
而由於事關重大，當事人今日（23日）下午終於「認頭」，原來是音樂人Tiab。他貼出11月21日晚上的通話紀錄，留言：「唔洗估啦 電話個個其實係我 @kayan9896 忙緊台北開個人演唱會 冇乜留意新聞 冇諗過咁真誠嘅對答都滿城風兩」言語間他更疑寸爆試當真的割席聲明說：「咁大班人恰個女仔 唔好再帶風向啦好無聊 睇黎好多人想佢死 但我就撐佢 吹咩？我諗大家都好多疑問 點解係我 忙完整理一下資訊再同大家長話短說」
其實片段中Kayan9896一直都冇講過前公司是試當真，只不斷說「前公司」，之後Tiab就再解釋與Kayan的合作關係，指與對方認識是經她入行的第一個經理人介紹，後來經理人帶Kayan試音，Tiab覺得對方聲線很好，就果斷決定用另一間音樂公司New age tone與對方簽約，「而當其時佢份合約係co-management三方一齊簽 因為影視方面的而且確唔係我強項 咁理所當然就交返俾相關人士處理 而我就專注集中喺佢嘅音樂路上幫佢設計發展。」
Tiab說Kayan9896第一年出道的四首派台歌《Be Around》、《Not Too Close》、《Hell No》、《Think I'm In Love》都由他作曲填詞，包辦A&R，成績很好，亦為她帶來新人銅獎，算是超額完成，Tiab在節目上的電話說：「咁你係我frd嘛，咁我覺得，你好咪得囉。」他認為：「kayan喺節目打俾前公司同事嗰個就係我本人我完全當之無愧 我亦都覺得我有份量去講當時嘅說話 相信好多人都唔知一個藝人可以有好多唔同方式嘅合作 而今次一個小小嘅酒後真情剖白令到大家有咁多誤會 所以我先想企出嚟同大家撇清謠言」
Tiab再交代自己的背景，他指自己本身有間公司Make in future，旗下有平面模特、演員以及歌手，公司入面有形形色色有潛質藝人，而自己的態度開放，他說：「當佢哋被其他大公司欣賞時 我哋公司都會採用co- management嘅方式去合作 始終我哋細公司比起大公司能夠為佢哋付出嘅資源更少 而我都會想旗下嘅Artist喺佢哋擅長嘅領域有更好嘅發展。」
有人留言畀Tiab，問到底「變聲」是他本人還是節目組意思，認為是由於變聲才會引起不必要誤會，Tiab本人回覆：「我接得個電話就唔會介意啦 個人認為呢件事非常之小事 都係香港三大名產：誇大 抹黑 炒車 惹的禍」但亦有人覺得他「老屈」試當真蝦女仔，明明只是出聲明澄清，都被他說成「蝦」，不過Tiab就否認，並表示：「你係咪搞錯咗啲咩呀？我XX緊你呢啲人呀！」
此外，在kayan9896的打電話片段播出後，試當真謝票場中，阿慈曾致電游學修，並重演kayan9896的打電話情況，有人認為是「抽水」。有網民不值kayan9896被欺負，批評他們「恥笑」kayan9896，但試當真就強烈否認，並說：「早晨！你所提及的直播中，大家只有以歡樂氣氛澄清，並以玩笑方式模仿drunk call，過程中絕無恥笑或中傷的言行，該節目仍然公開可以重溫。我們堅決反對一切造謠、中傷、抹黑行為，以往亦一直努力推廣不同影視及音樂節目。我們會繼續努力慎言謹行，希望未來日子會贏得你歡心，多謝！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
