至於最近重返TVB上節目，是否心動想回巢拍劇，她表示：「都有同我傾過下嘅，但係未有落實嘅劇本，所以而家又唔知，我依家做緊自己嘅舞台劇，我會做半年，所以我自己都有啲忙。」被問到有否留意萬千頒獎典禮陳妙瑛與向海嵐合體頒獎，她直言：「我想話《無頭東宮》我都有份做，不過我就好少角色囉。」講到是否屬於《無頭東宮》群組成員，她坦言：「我冇架！我個人唔群組㗎，我個人好怕群組㗎！」講到曾志偉回應「續約換獎傳聞」，她表示：「冇我年代久遠，我00年離開Tvb嘅我走嗰陣時，頒獎典禮都開始咗一屆咋，所以就不知道。」講到新年即將來到，是否會相約黃日華食飯，她笑言：「邊個華哥？任達華，劉德華…新年好忙㗎，我自己又要去蒸糕。」被問到會否送蒸糕給對方，她表示：「蒸糕淨係會整俾自己食。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
