她繼續感性發言：「我知道我真係未必係最靚最得人中意把聲最好聽，但我應承你地會努力逐樣令自己更值得，每次都比你地見到有進步，我知道自己把聲偏高 亦係我最大嘅concern，我事前綵排嘅時侯 係好刻意壓低自己嘅聲線，大家聽到覺得好似好平 所以我tune返high小小，但我睇返playback都覺得要tune返低，辛苦大家了唔好意思！」
提到第一次擔任大會司儀的感受，她謙虛表示：「第一次參加頒獎典禮係東張主持，今次可以做到大會司儀真係好開心，呢個係我最大嘅獎，一開始聽到自己要一個人做呢個show嘅時候其實好懷疑呢件事係咪真 亦都好懷疑自己係咪值得/係咪能夠勝任呢個show，畢竟我都係2024的3、4月先開始做司儀，但我只可以用我最大嘅努力、最好嘅一面去答謝呢個機會，呢個月真係用盡有時間閉關做功課，2倍速去睇哂所有入圍劇集 試過兩日睇哂25集，抄低大家講過咩深刻對白同睇哂所有各大頒獎典禮做參考，包括以前萬千星輝 金像 金鐘 金馬 oscar，但最sad係做完show漏了陪伴我作戰嘅稿同notes…傷心到傻了！」
她最後亦有分享最感動的時刻：「有同事之前同我講嘩你啲懶音好勁，琴晚佢話嘩你真係進步咗好多，真係忍唔住要喊，作為一個司儀真係想做到字正腔圓，但想講俾大家聽其實改懶音就好似改唞氣方式咁，你咁樣唞氣咗20幾年突然間大家話你咁唞氣係錯嘅要改 ，其實真係好難，仲要諗稿嘅同時再諗埋點pronounce 係雙倍嘅workload，但我真係改緊 應承你地會更好的！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
