黃翠如接受訪問表示：「最近就開始感受到BB嘅跳動翻身嘅厲害，每一日都喺度學習。」講到是否有感到BB踢自己，她說：「有啊！每次逢親夜晚瞓覺嘅時候，都係BB最精神，已經唔係踢咁簡單，轉身都會感受到，好奇妙嘅呢種感覺。」至於體重方面，她表示：「上個月肥咗6kg，我而家已經唔夠膽量體重，每日咁樣增加，只要產檢嘅時候話健健康正常咁就OK要磅重就真係冇自信心。」她透露會叫老公蕭正楠摸肚感受BB跳動。至於是否身體感到很疲倦，她笑言：「我其實冇乜好攰，我每一日除咗食同埋瞓覺，睇電視同埋打機。」談及網民指黃翠如懷孕後上圍升級，她直言：「作為所有嘅女性當你懷孕，就會成個人都肥咗，每一個媽媽都需要接受自己身體會一路變化，我有度我個肚。」
她透露下星期即將與老公一起上產前課程，以及尊重長輩的忠告接受傳統習俗，所以暫時未能分享更多懷孕點滴！
被問到會否出席下星期舉行的萬千星輝頒獎典禮，她直言：「我都未知呀！等公司話俾我知，對於我嚟講今次係澳門搞，可以去澳門住下酒店食吓嘢都幾開心，睇吓自己身體嘅狀況。」至於是否有信心撼贏「最佳女配角」大熱人選楊卓娜，她表示：「真係冇所謂，我都好希望佢攞，大家都知道佢演技好，我劇中兩個家姐（楊卓娜和楊茜堯）分別入圍最佳女主角同最佳女配角，我都希望佢哋有收穫。」提到是否希望成為萬千頒獎典禮第一位懷孕上台拎獎的女明星，她直言：「真係冇乜所謂，我知道每一個人都好努力，大家都知道呢一個獎係一個鼓勵。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
