莫家淦接受《香港01》時稱21日一早到埗：「 一開始聽到係柬埔寨都有啲驚嘅，做定資料蒐集，我以前做眼鏡生意過舊拍檔都係柬埔寨開廠，佢同我講我哋去嗰啲點都好安全，相對繁榮，冇坊間講到咁恐怖喺街度亂咁捉人。」莫家淦又指登台工作是經熟人介紹：「係香港商人開嘅一個娛樂城，有酒樓有大型嘅酒吧場所，中介搵我做嘢都係之前喺馬來西亞登台識嘅，所以唔係『王星事件』嗰啲係群組三唔識七嗰啲嚟嘅，都係啲相熟嘅，除咗我之外，當然仲有陶大宇，見到大宇哥去都增添信心。」
此行二人更受到巨星級待遇：「好安全㗎，去到現場有人接機，有啲保鑣坐住勞斯萊斯帶我哋去酒店食嘢，我哋個司機就係軍方嘅人。網上見到啲YouTuber 借呢啲事喺度呃流量，千祈唔好亂咁信，我定時定候都有同屋企人度報平安，所以都唔使擔心而家住嘅酒店都係國際知名品牌。我今日到，夜晚做嘢，聽朝就會返香港，開show都會有10幾個保鑣喺度。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
