藝人謝霆鋒早前宣布4月於啟德主場館舉行兩場《Evolution Nic Live謝霆鋒進化演唱會》，除了是他相隔25年再在港開騷，更是亞洲首位登上場館開騷的歌手，消息一出，全城即現撲飛熱，優先訂購門票隨即推出即被秒殺。
一票難求的霆鋒演唱會出現搶飛熱潮，近日更有疑似「黃牛」於網上放飛，門票被炒至17萬多一張，相當誇張。不過，雖然霆鋒開騷，但就連阿媽狄波拉也大呻冇飛，英皇老闆楊受成表示：「拉姑都嗌晒救命呀！」楊生被問到現在是否不敢聽電話？他說：「聽！點會唔聽！我話你哋登記先，到時如果有我就畀你。」講到加場，楊生則笑言：「你知佢好有性格㗎，冇人可以叫到佢㗎，佢依家諗緊。」對門票被炒高至六位數字，英皇娛樂集團營運總裁勸大家要理性購票：「大家咁支持霆鋒當然開心，但希望大家理性啲，唔好咁炒貴啲飛，同埋唔好幫襯黃牛。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
