指《新聞女王2》趕工拍攝
被問到最近的工作安排，她表示：「好攰呀！呢兩個幾月拍咗《正義女神Themis》咁耐，我淨係放咗一日假，所以好好珍惜嗰幾日休息，係日頭見朋友。」她透露完成新劇拍攝，終於有時間休息，不過《新聞女王2》即將開拍。講到《新聞女王2》正式開拍的時間，她說：「監製話想三月頭，但其實佢想二月尾，但大家都話不如真係唞一陣先，因為佢同我拍完《正義女神Themis》，再度好啲嘅故仔先好開拍，如果開始咗拍到時候先搞劇本真係冇時間，大家都希望《新聞女王2》係好過《新聞女王》，呢一個係目標。」
被問電影版停拍竟然咁答
提到田雞較早前表示香港電影市道很差，現階段《新聞女王》電影版是否停止拍攝，她表示：「其實係咁嘅，因為我哋而家《正義女神Themis》又遲咗收工，個檔期又延遲咗，製作方嗰邊就想播劇集《新聞女王2》，如果我哋唔拍咗《新聞女王2》先，今年就趕唔切播，而家都想執好咗劇本先，就搞咗電視劇版先，電影其實都係bonus，揀咗一個好好嘅劇本就到時先算。」
對大S離世感到傷痛
提到最近台灣女藝人大S離世，佘詩曼曾經上過對方綜藝節目《Beauty小姐》，她表示：「記得當然記得，佢係一個好Nice嘅女仔，同埋都好有才華，轉數都好快，我覺得對我哋嚟講係一個損失，因為佢好年輕，亦都係一件好傷痛嘅事。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
