《第18屆亞洲電影大獎》今日（16日）於西九戲曲中心舉行，最佳男主角由劉青雲撼低台灣男星彭于晏、韓星崔岷植等勁敵，憑電影《爸爸》奪得好開心，他上台時先為港產片打氣：「好開心憑港產片奪獎，亦多謝導演嘅信任，同埋戲入面面嘅屋企人，谷祖琳、囡囡同囝囝蘇文濤，佢今次有入圍最佳新演員，呢個獎我係從來無提名過，你已經好叻仔！我對港產片依然好有信心，大家一齊努力。」而影后由電影《桑托什》的印度女星Shahana Goswami撼贏張艾嘉、金高恩等勁敵奪得，最佳電影則由《乘著光的幻想》奪得，而最佳導演則是《敵》的吉田大八獲得。
劉青雲受訪大談得獎感受：「我拍完該片之後，戲中女同仔都叫我爸爸，好開心，有呢家人，攞獎因為戲中家人，我有啲緊張，多謝佢哋演出成就咗我攞獎，多謝大家支持我同香港電影。港產片有好多好電影，所以我唔擔心，因為我經歷過好多次電影寒冬。」而講到頒獎給他的役所廣司，他就表示：「係好優秀嘅演員，我經常睇佢嘅電影。（有人話你同役所廣司好似？）佢有型好多，佢年輕時好靚仔。（你都好靚仔。）咁我謙虛，實咁講。（想唔想同佢合作？）有呢個榮幸嘅話一定試。」
而談到他得獎時獲現場傳媒歡呼，他就笑言：「我第一次攞金像獎又係聽到好大班傳媒歡呼聲，令我好感動，所以我上台唔知講乜，我希望大家呼歡聲係畀港產片。（點慶祝？）未，冇諗過攞，雖然對自己有信心，但未到最後都唔知點。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
