光希提到自己對動作電影十分感興趣，雖然體力上會消耗很多，但如有機會都想一試。她又透露自己之前為了電影《龍捲風》，練習了兩個多月劍。「喺蘇格蘭拍攝時，無受傷，但真係好凍，因為成日練習，所以隻手粗咗，本身對手套好輕鬆咁穿到，但後來去到中間已經卡住了。（會唔會好介意？）初初有少少驚訝，但可以變強嘅女性又唔係一件壞事。」
光希另一作品《女神降臨》改編至同名韓劇，問到怕不怕被比較，她認為作品本身改編自受歡迎的漫畫，加上有韓版，是有一定壓力。「但今次係電影版，我用咗另一方法去呈現，希望大家會鍾意。」講到減壓方式，光希坦言自己比較易有負面想法，所以家人對她來說十分重要，另外，同屋企的狗狗散步，亦是最好的減壓方式。
光希近年不時來港，問到有冇特定的地方一定要去，她說︰「每次嚟都會發掘新嘅地方，但廿四味同龜苓膏就一定要試，本身好喜歡中藥嘅味道。」光希又透露十分喜歡逛小店，更預告今次香港之行會抽空去發掘新小店。
本文作轉載及備份之用 來源 source: http://www.hk01.com
|
鍾意就快D Share啦！
|
|
|
