台灣天后張惠妹近日大搞杭州演唱會，因為寒流襲當地氣溫降至5度，佢披上絨衣上台賣力演唱，竟引起網友熱議，因為佢身形望落似暴脹3倍，造型嚇人，有網友就笑稱佢似「瑞士黑金抹茶卷」，更令「#張惠妹被調侃胖成石磯娘娘#」話題登熱搜，即似電影《哪吒之魔童鬧海》內角色「石磯娘娘」，一晚就有逾1.2億閱讀量。
有喺現場聽歌嘅網友就為偶像辯護，指佢抵擋唔住粉絲熱情，更抵唔住冷空氣：「阿妹唱到第三首的時候就一直在流鼻涕，所以換上這件禮服的時候唱了一首，她實在扛不下去了，就問大家能不能允許她披一件外套，全場都說可以。」所以有唔少人力撐天后明顯係服裝造型原因，加上拍攝角度問題，力讚佢係「華語第一女帝」，相信大家都唔係奔住其身材去睇騷。
其實早於2022年張惠妹就曾表示家族基因有異，去到某個年紀就會開始暴脹，家族本身就有肥胖症，基因的原因，阿妹自己都好無奈，因遺傳物質（染色體、 DNA)發生改變而導致肥胖，呢種肥胖極為罕見，常有家族性肥胖傾向。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
